В Атырау +5.9 
1 қазанда Атырау қаласы мен оған қарасты бірқатар елді мекенде таңертеңгі сағат 10:00-ден кешкі 19:00-ге дейін су уақытша тыйылады. Бұл туралы Атырау облысы «Су Арнасы» КМК хабарлады.
Шектеу «Мирный» сорғы станциясында жүргізілетін авариялық-қалпына келтіру жұмыстарына байланысты енгізіліп отыр.
Су тоқтатылатын аймақтардың қатарында мына елді мекендер мен ықшамаудандар бар:
Ауылдар мен кенттер: Құрсай-1, 2, Водников-1, 2, 3, Көкарна-1, 2, Жаңаталап-1, 2, Қызылбалық-1, 2, Зарослый, Атырау ауылдары және Ширина кенті;
Шағынаудандар мен аумақтар: Сол жақ Төменгі Перетаска ауданы, Ақжайық ауылы («Холодильник»), Тасқала-1, 2 ауылдары мен «Өрлеу» мөлтек ауданы, Тасқала-3 ауылы мен «Қайнар» мөлтек ауданы;
Бау-бақша серіктестіктері: «КСМ», «Химик», «Мелиоратор», «Железнодорожник», «Судоремонтник», «Речник», «Рыбник», «Уралкаспрыбвод», «Строитель», «Строитель-П», «Спектр» және «Сая».
Жөндеу аяқталған соң су бұрынғы кесте бойынша қайта беріледі.