​Индер ауданында жылқыға соққан жол апатынан жасөспірім қаза тапты

Атырау облысының Индер ауданында адам өлімімен аяқталған жол апаты болып, 2011 жылы туған жасөспірім қаза тапты.

Алдын ала бейресми ақпарат бойынша, жол-көлік оқиғасы 27 қыркүйекте түнде Аққала ауылына кіреберіс жолда болған.
Жол пайдалану қызметінің автокөлігі жылқымен соқтығысқан. Оның салдарынан жасөспірім оқиға орнында қаза тапты.

Полицияда жол-көлік оқиғасы дерегі бойынша тергеу жүргізіліп жатқанын хабарлады. Жол апатының мән-жайы анықталуда.

Ләззат ҚАРАЖАНОВА