В Атырау +27.7 
Индербор кентінің тұрғыны кәріз желілері тартылғаннан кейінгі жолдың жай-күйіне назар аударды. Оның айтуынша, жол жабыны тілінген учаскелерде ойлы-қырлы жерлер мен шөгулер пайда болған.
— Құбырларды жүргізді, бірақ жолдың кесілген учаскелерін ұқыпсыз қалпына келтіріп жатыр. Салдарынан жол жабыны жұмыс басталғанға дейінгі қалпындай болмай қалды, — дейді бейнежазбадағы ер адам.
Жұмыстар тұрғын үйлерді орталық кәріз жүйесіне қосу шеңберінде жүргізілуде. Бұған дейін оған 200-ге жуық үй қосылмаған еді. Биыл «Торговый строительный сервис» ЖШС 4,5 шақырым желі жүргізуге кірісті. Аудандық әкімдікте жұмыстар аяқталғаннан кейін зақымдалған учаскелер тәртіпке келтірілетініне сендірді.
— Кесілген асфальттың барлығы толық қалпына келтіріледі. Бұған жауапкершілік мердігер ұйымға жүктелген, — деп хабарлады аудан әкімінің міндетін атқарушы Фархат Шахметов.
Ләззат ҚАРАЖАНОВА