В Атырау +17.5 
Қазақстан Қашағандағы газ өңдеу зауыты жобасын жүзеге асырып жатқан компанияны жеке қолға беруді жоспарлап отыр. «QazaqGaz» ұлттық компаниясының еншілес құрылымы — «GPC Investment» ЖШС бәсекелестік ортаға беру ұсынылған активтер тізбесіне енгізілді.
Үкімет тиісті өзгерістерді 2026 жылғы 17 қыркүйектегі қаулысымен енгізді. Құжатқа сәйкес, GPC Investment компаниясын 2026–2027 жылдары тікелей сату арқылы өткізу жоспарлануда.
Дәл осы компания Атырау облысындағы Қашаған газ өңдеу зауыты құрылысының операторы болып табылады. Қашаған ГӨЗ-нің өзі қазіргі уақытта құрылыс кезеңінде. Энергетика министрлігінің шілдедегі мәліметінше, EPC-жұмыстарының дайындығы 60%-ға жетті, ал құрылыс алаңына негізгі жабдықтың 97%-ға жуығы жеткізілді. Жобаға екі мыңға жуық маман тартылған.
Іске қосылғаннан кейін зауыт жылына 1 млрд текше метрге дейін ілеспе газды өңдеп, жыл сайын 727 млн текше метрге жуық тауарлық газ өндіре алады. Кәсіпорын үшін газ Қазақстандағы ең ірі мұнай-газ кен орындарының бірі — Қашағаннан түседі.
Еске сала кетейік, бұған дейін компанияның 75% үлесін катарлық UCC холдингіне сату жоспары айтылған болатын.