В Атырау +27 
Ресейлік «Лукойл» компаниясы Қазақстанның Каспий теңізіндегі геологиялық барлау және өндіру жобаларын түбегейлі тоқтатты. Ұлттық компания «ҚазМұнайГазбен» бірлескен кәсіпорын келісімшартты бұзып, жерді мемлекетке қайтарды, деп хабарлайды «Нефть и газ Казахстана».
Негізгі себеп – геологиялық табысқа қол жеткізу мүмкіндігінің мүлде жоқтығы.
«Аль-Фараби Оперейтинг» жобасы: барлау шығындарының құнсыздануына байланысты 7,95 млрд теңге шығын тіркеліп, таза залал 4,3 есе өсті. Жинақталған шығын 15,9 млрд теңгеге жетті.
«Жеңіс» учаскесі: 2023 жылғы шілдеде серіктестер құрған БК «құрғақ» ұңғыма бұрғылап, барлауды тоқтатты. Жер телімі Энергетика министрлігіне қайтарылды.
«Қаламқас-Хазар» жобасы: соңғы теңіз жобасы да батыс санкцияларының қысымына байланысты жабылды.
Осылайша, 2021 жылы басталған «Аль-Фараби» блогындағы барлау жұмыстары нәтижесіз аяқталып, «Лукойл» Қазақстандағы барлық шельфтік жобалардан толықтай шықты.
Бұл шешім Каспийдегі мұнай-газ саласының даму перспективаларына әсер етіп, Қазақстан үшін жаңа серіктестер іздеуді қажет етеді.