В Атырау +28.9 
2026 жылғы тамызда «ҚазТрансОйл» АҚ-ның еншілес ұйымы – «Батуми мұнай терминалы» ЖШҚ 293 мың тонна мұнай, мұнай өнімдері және газды ауыстырып тиеді. Бұл көрсеткіш 2017 жылдан бергі ең жоғары айлық көлем болып отыр.
Рекордқа жүк ағынының артуы және биыл шикі мұнай мен авиациялық керосинді қайта тиеудің жандануы ықпал етті. Ал мазут көлемінің азаюы Қазақстандағы мұнайды терең өңдеу деңгейінің өсуімен байланысты.
Қаңтар–тамыз аралығында терминал жалпы 1 млн 251 мың тонна өнімді тиеді. Бұл өткен жылдың сәйкес кезеңінен 37 мың тоннаға (3%) артық. Оның ішінде 178 мың тонна мұнай, 589 мың тонна қара мұнай өнімдері, 401 мың тонна ашық түсті өнімдер және 83 мың тонна сұйытылған газ бар.
«ҚазТрансОйл» қолдауымен терминал өндірістік мүмкіндіктерін кеңейтіп, Қара теңіз жағалауындағы маңызды көлік-логистикалық орталық ретіндегі рөлін күшейтіп келеді.