«Самұрық-Қазынада» жаңа тағайындау: Мұнай-газ активтері департаментіне жаңа директор келді

70 рет қаралды

Нұрсұлтан Толқымбаев «Самұрық-Қазына» АҚ Мұнай-газ активтері департаментінің директоры болып тағайындалды. Оның энергетика және мұнай-газ саласында 15 жылдан астам тәжірибесі бар.

Жалпы еңбек өтілі 19 жылдан асатын Нұрсұлтан Толқымбаев бұған дейін «ҚазМұнайГаз» тобының құрылымдарында басшылық лауазымдарды атқарған. Ол мұнай және мұнай өнімдерін өткізу, экспорттық операциялар, жеткізу тізбегін басқару, нарықтарды дамыту мен халықаралық келісімшарттар бағыттарына жетекшілік еткен.

Сонымен бірге ол Румыниядағы KMG International компаниясында логистика, коммерциялық қызмет және бизнесті дамыту салаларында жұмыс істеп, өндірістік тиімділікті арттыру мен шығындарды оңтайландыру жобаларын жүзеге асырды.

Сондай-ақ Нұрсұлтан Толқымбаев төрт жыл бойы «Қазатомөнеркәсіп» АҚ-ның Сату департаментін басқарған.

Бүгін, 16:32

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.