«Самұрық-Қазына» мен Hyundai Engineering Қарашығанақтағы ГӨЗ құрылысын талқылады

55 рет қаралды

«Самұрық-Қазына» АҚ басқарма төрағасы Нұрлан Жақыпов оңтүстіккореялық Hyundai Engineering компаниясының президенті әрі бас атқарушы директоры Чжу У-Чжонмен (Joo Woo-Jeong) кездесті.

Кездесу барысында тараптар бірлескен жобалардың қазіргі жай-күйін және мұнай-газ химиясы саласындағы әрі қарайғы ынтымақтастықтың келешегін талқылады.

Келіссөздердің басты тақырыбы Қарашығанақ кен орнында жаңа газ өңдеу зауытының (ГӨЗ) құрылысы болды. Қуаты жылына 5 миллиард текше метр газды құрайтын жобаны «QazaqGaz» ұлттық компаниясы жүзеге асыруда, ал Hyundai Engineering бас мердігер (EPC-мердігер) ретінде әрекет етеді.

«Бұл жобаны іске асыру Қазақстанның бүкіл газ саласын дамыту және елдің энергетикалық қауіпсіздігін айтарлықтай нығайту үшін стратегиялық маңызға ие», — деп атап өтті Нұрлан Жақыпов.

Бүгін, 11:16

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.