Атырауда екі күн ыстық су болмайды

Атырауда 15–16 қыркүйекте екі күнге ыстық су уақытша тоқтатылады. Бұл шектеу магистральдық және тарату жылу желілерінде жоспарлы гидравликалық сынақтар жүргізілуіне байланысты.

«Атырау жылу жүйелері» ЖШС хабарлауынша, құбырлардың тығыздығы мен беріктігі тексеріледі. Сынақ кезінде тұрғындарға жылу трассасына 10 метрден жақын бармау ескертілді. Қауіпті аймақта балалар мен үй жануарларын қараусыз қалдыруға, автокөліктерді қоюға және жеке заттарды орналастыруға болмайды.

Ақаулар мен құбыр жарылуы байқалған жағдайда төмендегі телефондарға дереу хабарласу қажет:

• 99-43-07

• 99-43-98

• 32-22-58