В Атырау +21.2 
Атырауда қытайлық автосаяхатшы автокөлік әйнектерін қараңғылау талаптарын бұзғаны үшін әкімшілік жауапкершілікке тартылды. Іс-құжаттарды рәсімдегеннен кейін туристер дастарқанға шақырылып, алдағы сапарға дайындалуға жағдай жасалды.
Ерекше кездесудің бейнежазбасы Instagram-дағы Patrol_blog парақшасында жарияланды.
Жазба авторының түсіндіруінше, Қытай азаматтары Қазақстан арқылы автокөлікпен өтіп бара жатқан. Әйнектерді талапқа сай емес қараңғылағаны үшін жүргізушілердің бірі жауапкершілікке тартылды.
Әкімшілік материал толтырылғаннан кейін шетелдік қонақтармен сұхбаттасып, қажетті құжаттарды реттеуге және бағытты жалғастыруға дайындалуға көмектесті. Саяхатшылар ары қарай Еуропаға аттануды жоспарлап отырғаны хабарланды.
Осылайша, туристер үшін Қазақстанмен танысқаны қызық болды: алдымен жол ережесі сақталып, содан кейін дәстүрлі қонақжайлылық пен бір табақ ет ұсынылды.