В Атырау +18.8 
Атырау облысында болашақ «Силлено» полиэтилен зауытының пиролиз қондырғысына арналған ірі габаритті құрал-жабдықтардың алғашқы теңіз партиясын жеткізу аяқталды. Жалпы салмағы шамамен 12 мың тоннаны құрайтын тоғыз реактор, сепаратор және баған құрлық арқылы 878 шақырымды еңсерді.
«ҚазМұнайГаз» компаниясы хабарлағандай, құрал-жабдықтар Маңғыстау облысындағы Ерсай портына теңіз жолымен жеткізілді. Ол жерден арнайы автокөлікпен Атырау облысындағы құрылыс алаңына тасымалданды.
Жеткізу екі кезеңде жүргізілді. Жүктің бірінші бөлігі 2026 жылғы шілдеде, екіншісі қыркүйекте жеткізілді.
Енді алаңда пиролиз қондырғысының фракциялық бағанын монтаждауға дайындық жүріп жатыр. Оның биіктігі 101,8 метрді, диаметрі 7,5 метрді, ал салмағы шамамен 1 500 тоннаны құрайды. Құрал-жабдық қазақстандық «АтырауМұнайМаш» зауытында дайындалды.
Конструкцияны көтеру үшін құрылыс алаңына әлемдегі ең ірі шынжыр табанды крандардың бірі жеткізілді. Оның ең жоғары жүк көтергіштігі 4 мың тоннаға жетеді. Өлшемдеріне байланысты техника тікелей болашақ кәсіпорын аумағында жиналды.