​Экология министрлігі​ Атыраудағы ауа сапасына қатысты жағдайды бақылауға алды

Министрліктің хабарлауынша, облыстық экология департаменті қаладағы атмосфералық ауаның сапасына байланысты жоспардан тыс тексеріс бастады. 

Мамандар ықтимал ластаушы көздерді анықтап, табиғатты қорғау заңнамасының сақталуын тексереді.

Тексеріс нәтижесінде негіз болса, инспекторлық шаралар қабылданады. Қай кәсіпорындар мен нысандар тексеріліп жатқаны әзірге нақты айтылған жоқ.

Министрлік жағдайды бақылауда ұстап отыр, қосымша ақпарат тексеріс аяқталғаннан кейін жарияланатыны хабарланды.