В Атырау +27.8 
2026 жылдың шілде айында Қазақстанда 169 133 көлік құралы есепке қойылды. Бұл өткен маусымдағы көрсеткішпен (167 878 бірлік) салыстырғанда 0,7%-ға артық. Ұлттық статистика бюросының мәліметінше, елде тәулігіне орта есеппен 5,5 мыңға жуық көлік тіркеліп отырған.
Шілде айында тіркелген көлік түрлерінің үлесі:
Жеңіл автокөліктер: 87,7%;
Жүк көліктері: 5,6%;
Тіркемелер: 2,4%;
Автобустар: 0,9%;
Мотоциклдер: 0,8%.
1 тамыздағы жағдай бойынша Қазақстанда ресми түрде 6,059 млн көлік құралы тіркелген. Оның ішінде 5,081 млн-ы (83,9%) — жеңіл автокөліктер. Сонымен қатар елде 495 мың жүк көлігі, 263,2 мың тіркеме және 89,5 мың автобус пен микроавтобус бар.
Қозғалтқыш көлемі мен өңірлік көрсеткіштер
Тұрғындар арасында қозғалтқыш көлемі 1,5-тен 2 литрге дейінгі жеңіл көліктер ең көп сұранысқа ие болды — шілдеде мұндай 59 530 машина есепке алынған. Қозғалтқыш көлемі 1,5 литрге дейінгі көліктер саны — 35 277, ал 2-ден 2,5 литрге дейінгілер — 24 550 бірлікті құрады.
Қозғалтқыш көлемі 1,5–2 литрлік автомашиналарды тіркеу бойынша көшбасшы өңірлер:
Алматы қаласы — 6 160 көлік;
Астана қаласы — 5 436 көлік;
Алматы облысы — 5 340 көлік.