В Атырау +27.6 
Қазақстан өкілі, World Boxing халықаралық федерациясының президенті және ҚР Ұлттық олимпиадалық комитетінің басшысы Геннадий Головкин украиналық «Миротворец» сайтының деректер базасына енгізілді.
Белгілі қазақстандық боксшының профилі ресурста 15 тамызда пайда болды. Себеп ретінде оның басқаратын World Boxing ұйымының ресейлік спортшыларға қатысты шектеулерді алып тастау шешімі көрсетілген. Биыл шілдеде федерация ресейлік боксшыларға халықаралық турнирлерге ұлттық рәміздерімен қатысуға рұқсат берген.
Еске салайық, Геннадий Головкин 2025 жылғы қарашада Римде өткен Конгресс нәтижесінде ресми дауыс беру арқылы World Boxing ұйымының басшысы болып сайланған.
«Миротворец» сайты 2014 жылы құрылған. Ресурс қоғам қайраткерлері, спортшылар, әртістер мен саясаткерлердің деректерін жариялап, олардың әрекеттерін немесе мәлімдемелерін Украина ұлттық қауіпсіздігіне қатер ретінде бағалайды.