В Атырау +27.6 
Павлодар облысында жетім қыз сот арқылы мемлекеттік тұрғын үй кезегіндегі заңды орнын қайтарып алды. Шенеуніктер мен балалар үйі әкімшілігінің салғырттығынан ол күткен алты жылын жоғалтқан.
Оқиға 2008 жылы басталған. Балалар үйінің тәрбиеленушісі Б. ата‑анасыз қалған бала ретінде автоматты түрде есепке алынуы тиіс еді. Бірақ жауапты тұлғалар оны кезекке қоймаған. Тек 2014 жылы ғана тізімге енгізілді. Ал 2023 жылы уәкілетті орган оны басқа елді мекенге көшті деген себеппен есептен шығарып тастаған.
Сотқа дейінгі тексеру жолымен мәселені шешу мүмкін болмады: шенеуніктер оны тек 2014 жылдан бастап қалпына келтіруге келісті. Осыдан кейін қыз сотқа жүгінді.
Сот барысында оның дер кезінде есепке алынбауы қамқоршылық органдары мен қазір жойылған балалар үйінің міндетін дұрыс атқармауынан болғаны анықталды. Ол кәмелетке толмағандықтан өз құқығын қорғауға физикалық мүмкіндігі болмаған. Бұдан бөлек, «Тұрғын үй қатынастары туралы» заңда жетім балаларды баспана алғанға дейін кезектен шығаруға тыйым салынған.
Сот шенеуніктердің әрекетсіздігі мен шешімдерін заңсыз деп танып, талапкердің құқығын толық қалпына келтірді. Енді оның кезекке қойылған ресми күні – 2008 жыл болып есептеледі.
Шешім заңды күшіне енді.