В Атырау +28.2 
Атырау облыстық соты қызметкердің пайдасына шешім қабылдады.
Компания оны жұмыстан босатқанымен, ол заң бойынша өз өтінішін қайтарып алу құқығын пайдаланған еді. Апелляциялық алқа жұмыс берушінің бұйрығын заңсыз деп танып, күшін жойды.
Іс материалдарына сәйкес, азамат Д. ЖШС-ден өз еркімен кету туралы арыз жазған, бірақ белгіленген хабарлама мерзімі аяқталғанға дейін өтінішін ресми түрде қайтарып алған. Соған қарамастан, жұмыс беруші еңбек шартын тоқтату туралы бұйрық шығарып, қызметкерді жұмыстан босатқан.
Бірінші сатыдағы сот талапты қанағаттандырмағанымен, апелляциялық алқа шешімді өзгертіп, қызметкердің пайдасына жаңа қаулы қабылдады. Бұйрық заңсыз деп танылып, қызметкерге мәжбүрлі бос жүрген уақыты үшін жалақы өндірілді.
Соттың баспасөз қызметі атап өткендей: «Жұмысшы хабарлама мерзімі аяқталғанға дейін Еңбек кодексінде көзделген жұмыстан шығу туралы өтінішті қайтарып алу құқығын іске асырды. Осылайша, жұмыс берушінің еңбек шартын тоқтатуға заңды негіздері болмаған».
Қаулы заңды күшіне енді.