В Атырау +36.1 
Жапония премьер-министрі Санаэ Такаити Ресей президенті Владимир Путиннің Итуруп аралына барған сапарына байланысты кесімді наразылық білдірді. Оның айтуынша, Ресей лидерінің бұл сапары екі мемлекет арасындағы қарым-қатынасты қайта қалпына келтіруді қиындатады.
Такаити Путиннің сапары жапондықтар арасында Ресейге деген теріс көзқарасты күшейтуі мүмкін екенін мәлімдеді. Ол Ресей тарапын болған оқиғаның салмағын түсінуге шақырды, деп хабарлайды Nikkei.
Жапония премьерінің айтуынша, Токио 2024 жылдан бері Мәскеуден бұл сапардан бас тартуды сұрап келген. Жапония билігі сапарды аумақтық мәселе бойынша өз позициясымен сыйыспайды деп есептейді және алдағы жауап беру шараларын айқындамақ.
Владимир Путин үшін бұл сапар Итурупқа бірінші рет баруы болды. Ресей президенті балық өңдеу кәсіпорнын, аурухана мен мектепті аралап, сондай-ақ жергілікті тұрғындармен тілдесті, деп жазады басылым.
Итуруп Ресейдің басқаруында, алайда Жапония Кунашир, Шикотан және Хабомаи аралдар тобымен бірге оның тиесілілігіне дауласып келеді. Бұл аумақтық дау Екінші дүниежүзілік соғыстан кейін екі елдің бейбіт келісімшартқа қол қоймауының басты себептерінің бірі болып отыр.