В Атырау +34.2 
Қазақстанның Жасанды интеллект және цифрлық даму министрлігі мен «Қазақтелеком» АҚ Telegram мессенджеріндегі қолжетімділік мәселелерін растады.
Азаматтар хабарламаларды жібере алмау, медиафайлдардың жүктелмеуі және желіге қосылудағы қиындықтар туралы хабарлаған.
Министрлікке мессенджердің қолжетімсіздігіне қатысты жеке-жеке өтініштер түскен. Қазір техникалық мамандар жағдайды тексеріп жатыр. «Қазақтелеком» Telegram-ға бағытталған трафиктің негізгі халықаралық түйіндерде күрт төмендегенін анықтаған. Дегенмен, компания өз инфрақұрылымында апат немесе ақау болмағанын мәлімдеді.
Ұлттық оператор Telegram-ның әкімшілік-техникалық тобына ресми сұрау жолдады. Қосымша ақпарат жауап алынғаннан кейін жарияланатын болады.
Алғашқы шағымдар 13 тамыз күні сағат 11:25 шамасында түсе бастаған. Ақаулар Астана, Қарағанды, Павлодар, Батыс Қазақстан және Солтүстік Қазақстан облыстарында тіркелді.
Telegram-дағы істен шығудың нақты себебі әзірге белгісіз.