​Telegram істен шықты: бірнеше облыста ақау тіркелді

13 тамыз таңертең Қазақстанның бірнеше өңірінде Telegram қосымшасы дұрыс жұмыс істемей қалғаны туралы шағымдар түсті.

Кейбір азаматтар хабарламаларды жібере алмаған, медиафайлдар жүктелмеген және желіге қосылуда қиындықтар болған. Detector404 сервисі ақаулардың күрт көбейгенін 11:25 шамасында тіркеді.

Ең көп шағымдар Астана, Қарағанды, Павлодар, Батыс Қазақстан және Солтүстік Қазақстан облыстарынан түскен.

Ақаулар туралы хабарламалардың шамамен 53,5%-ын iOS жүйесін қолданушылар жіберген. Негізгі шағымдар қосымшаның хабарландырулары мен мобильді нұсқасына қатысты болды.

Қазіргі уақытта істен шығудың себебі белгісіз. Telegram өкілдері ресми түсініктеме берген жоқ.