В Атырау +35.7 
Атырауда құрылыс салушы компанияны «Аягөз» тұрғын үй кешенінің жанында заңсыз тартылған жер үсті жылу желілерін бұзуға (демонтаж жасауға) міндеттеді.
Тексеру аталған үй тұрғындарының шағымынан кейін жүргізілді.
Облыстық мемлекеттік архитектуралық-құрылыс бақылауы (МСҚБ/ГАСК) басқармасының хабарлауынша, диаметрі 200 миллиметрлік жылу желілері Абай көшесі, 26/1 мекенжайында орналасқан ТҮК жанында салынған.
Тексеру барысында «Асар Курылыс Групп» ЖШС-нің жұмыстарды тиісті рұқсат құжаттарынсыз жүргізгені анықталды. Бұдан бөлек, компания жылу желілері мен ғимарат арасындағы нормативтік қашықтықты сақтамаған — бұл арақашықтық кемінде 20 метрді құрауы тиіс еді.
Құрылыс салушыға қатысты әкімшілік хаттама толтырылды. Сондай-ақ компанияға заңсыз салынған желілерді бұзып, аумақты бастапқы қалпына келтіру туралы орындалуы міндетті нұсқама берілді.
Нұсқаманың орындалуы Атырау облыстық МСҚБ басқармасының бақылауында.