В Атырау +33.2 
Түркістан тұрғыны Павлодарда жаңа туған қызын сатқан үшін бес жылға бас бостандығынан айырылды.
Сот дерегінше, 2002 жылы туған әйел қаржылық қиындыққа тап болып, жүкті кезінде-ақ баласын сатуға шешім қабылдаған. Ол «Бала асырап алғым келеді» атты «ВКонтакте» тобында хабарландыру жариялап, сатып алушымен 800 мың теңгеге келісім жасаған.
2026 жылдың 28 наурызында әйел Павлодар облыстық перинаталдық орталығында дені сау қыз босанған. Құқық қорғау органдары оның әрекетін арнайы операция барысында бақылап, белгіленген нөмірлері бар ақшаны қолданған.
31 наурызда әйел Павлодардағы пәтерде жаңа туған қызды және медициналық құжаттарын сатып алушыға тапсырған. Нәтижесінде ол 100 мың теңге алған.
Павлодардың кәмелетке толмағандар ісі жөніндегі мамандандырылған ауданаралық соты әйелді кәмелетке толмағанды саудалау қылмысы бойынша кінәлі деп танып, орта қауіпсіздік деңгейіндегі мекемеде бес жылға бас бостандығынан айыру жазасын тағайындады.
Алайда Қылмыстық кодекстің 74-бабы негізінде жазаны орындау бес жылға кейінге қалдырылды.