В Атырау +33.1 
АҚШ президенті Дональд Трамп бірнеше апта бұрын Анкарада өткен НАТО саммитінен кейін қауіпсіздік мақсатында ұшағын жасырын ауыстырып қайтқан, деп жазады Orda.kz.
The Washington Post басылымының үкіметтегі дереккөзге сілтеме жасап хабарлауынша, Трамп бастапқыда әдеттегідей Air Force One бортына көтерілгенімен, көп ұзамай қайта түсіп, президенттік бортқа тіркелген кейтеринг контейнеріне жасырынған.
Кейін жүк көлігі мемлекет басшысы отырған контейнерді шағын C-32A ұшағына жеткізіп, президент АҚШ-қа дәл осы бортпен ұшып кеткен. Сол уақытта Air Force One ішінде болған БАҚ өкілдері мен үкіметтің кейбір қызметкерлері Трампты әлі де негізгі президенттік ұшақта отыр деп ойлаған.
Басылымның мәліметінше, мұндай құпия әрекетке Иран тарапынан президентке қастандық жасалуы мүмкін деген қауіп себеп болған. Бұл жағдайға қатысты Ақ үйдің коммуникациялар жөніндегі директоры Стив Чунг Американың жаулары көп екенін алға тартып, мұндай қауіптерге қарсы тұру үшін барлық мүмкіндіктер пайдаланылатынын мәлімдеді.