В Атырау +27.3 
Ол бірыңғай QazTech цифрлық платформасында әзірленді, деп хабарлады Премьер-министрдің орынбасары — Жасанды интеллект және цифрлық даму министрі Жаслан Мәдиев Үкімет отырысында.
Оның айтуынша, eGov-тың бұрынғы нұсқасы технологиялық мүмкіндіктерінің шегінде жұмыс істеп келген. Жаңарту мемлекеттік қызметтерді алуды жеңілдетуге, артық талаптар мен кезеңдерді алып тастауға, сондай-ақ инфрақұрылымға түсетін жүктемені азайтуға тиіс.
Сұранысқа ие қызметтердің бір бөлігі жаңа форматта қолжетімді. Сонымен бірге билік өкілдері eGov GPT ЖИ-ассистентін одан әрі дамытуды жалғастырып жатыр.
Қазір оның көмегімен 50 мемлекеттік қызмет қолжетімді, бұл азамат өтініштерінің шамамен 30%-ын құрайды. 2026 жылдың соңына дейін бұл көрсеткішті 70%-ға дейін жеткізу жоспарланып отыр.
Пайдаланушы өз жағдайын қарапайым сөздермен сипаттай алады, содан кейін eGov GPT қажетті қызметті анықтайды, өтінішті дайындауға көмектеседі және нәтиже алғанға дейін сүйемелдеп отырады.
Министрліктің мәліметінше, ЖИ-ассистенттің мүмкіндіктерін 150 мыңнан астам рет пайдаланған. Алдағы уақытта мемлекеттік ақпараттық жүйелерді де QazTech платформасына көшіру жоспарланып отыр.