​Бақыт Есімова Президент Әкімшілігінде жаңа қызметке тағайындалды

Қазақстан Республикасы Президент Әкімшілігінде жаңа кадрлық тағайындау орын алды.

Мемлекет басшысының өкімімен Бақыт Есімова ҚР Президенті Әкімшілігінің Өтініштерді қарауды бақылау бөлімінің меңгерушісі болып тағайындалды.

Білімі:

Санкт-Петербург мемлекеттік инженерлік-экономикалық университеті (2006 жыл, «Болашақ» бағдарламасы бойынша).

Еңбек жолы:

«Қазақстан жастарының конгресі» заңды тұлғалар бірлестігі атқарушы директорының менеджері, аппаратының басшысы (2006-2007);

«Сауда саясатын дамыту орталығы» акционерлік қоғамының сарапшысы (2007-2008);

Қазақстан Республикасы Мемлекеттік қызмет істері агенттігінің Стратегиялық жоспарлау және жұртшылықпен байланыс басқармасының бастығы (2008-2010);

Ақмола облыстық жұмыспен қамтуды үйлестіру және әлеуметтік бағдарламалар басқармасы бастығының орынбасары (03.2010-03.2011);

Ақмола облыстық жұмыспен қамтуды үйлестіру және әлеуметтік бағдарламалар басқармасының бастығы (03.2011-28.06.2013);

Ақмола облысы әкімі аппаратының басшысы (28.06.2013-2015);

«Астана (Нұр-Сұлтан) қаласының Ішкі саясат басқармасы» мемлекеттік мекемесінің басшысы (2015-09.2020);

Қостанай облысы әкімінің орынбасары (09.2020-05.2022);

ҚР Президенті Әкімшілігінің Өтініштерді қарауды бақылау бөлімі меңгерушісінің орынбасары (05.2022 бастап).