В Атырау +29.6 
Министр ғылым және жоғары білім Саясат Нұрбек мәлімдегендей, грант иегерлерінің тізімі 7 тамыз күні сағат 15:00-де жарияланады.
Нәтижелерді министрліктің ресми ресурстарынан, Ұлттық тестілеу орталығының сайтынан және министрдің әлеуметтік желідегі парақшаларынан көруге болады.
Биыл конкурсқа 127 мыңнан астам өтініш түскен. Ең көп сұранысқа ие бағыттар – педагогикалық ғылымдар, инженерлік және құрылыс салалары, сондай-ақ ақпараттық-коммуникациялық технологиялар.
Ең жоғары бәсеке аудармашылар, дипломаттар, заңгерлер, психологтар және педагогтар мамандықтарында күтілуде.
Грант жеңіп алған талапкерлер 25 тамызға дейін таңдаған жоғары оқу орнының қабылдау комиссиясына құжаттарының түпнұсқасын тапсыруы тиіс. Осыдан кейін олар ресми түрде студент ретінде қабылданады.