​Қазақстан Орталық Азиядағы ең қолайлы ел деп танылды

Қазақстан 2026 жылғы Legatum Prosperity Index рейтингінде 161 елдің ішінде 66‑орынға ие болды. Бұл көрсеткіш – Орталық Азия мемлекеттері арасындағы ең жоғары нәтиже, деп хабарлайды Prosperity Institute.

Қазақстан Қырғызстанды (87‑орын), Өзбекстанды (94‑орын), Тәжікстанды (129‑орын) және Түрікменстанды (150‑орын) басып озды. Ресей бұл тізімде 103‑орынға жайғасты.

Еліміз ең жоғары көрсеткіштерді білім беру саласында – әлем бойынша 32‑орын, отбасылық байланыстардың беріктігі бойынша – 30‑орын және өмір сүру деңгейінде – 53‑орыннан көрінді.

Әлемдік рейтингтің көшін Швейцария бастады. Одан кейін Норвегия, Ирландия, Дания және Финляндия орналасқан.

Индекс мемлекеттердің өркендеуін үш негізгі бағыт бойынша бағалайды: даму, еркіндік және қоғамдық байланыстар. Рейтингті жасау кезінде 150‑ден астам көрсеткіш ескеріледі: өмір сүру деңгейі, денсаулық, білім, экономикалық еркіндік, қауіпсіздік және қоғамдағы қарым‑қатынас. 2026 жылы әдістеме жаңартылып, әлсіз көрсеткіштердің елдің жалпы орнына ықпалы күшейтілді.