KC Energy Group жаңа басшысын тағайындады

108 рет қаралды

Мұрат Тұрдыбеков «KC Energy Group» ЖШС-нің жаңа бас директоры болып тағайындалды.

Бұл компания — «ҚазМұнайГаз» ұлттық компаниясы мен Қытайдың CNPC бірлескен кәсіпорны. Ол бұл қызметте Абдолла Тансиховты алмастырды.

Тағайындалғанға дейін Тұрдыбеков «ҚазМұнайГаздың» мұнай және мұнай өнімдері маркетингі департаментінде сыртқы сауда операциялары басқармасын басқарған.

Бұған дейін Қазақстанның Мұнай және газ министрлігінде бас сарапшы болып жұмыс істеген, мұнайды қайта өңдеу және мұнай өнімдерін өндіру басқармасын басқарған.

Сондай-ақ Павлодар мұнай-химия зауытында еңбек еткен және «ҚазТрансОйл» АҚ-ның тасымалдау департаментінде бас менеджер қызметін атқарған.

Ол Қазақ гуманитарлық-заң инновациялық университетін «Экономика» мамандығы бойынша, «Болашақ» университетін және МГИМО-ны тәмамдаған.

KC Energy Group Қазақстанда мұнай өнімдері нарығында жұмыс істейді: шикі мұнайды сатып алу, оны қайта өңдеу және отынды көтерме саудада өткізу бағыттарымен айналысады.

Бүгін, 15:12

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.