В Атырау +22.6 
Атырауда жол жүрісі ережеcін бұзғаны үшін той кортежінің сегіз қатысушысы әкімшілік жауапкершілікке тартылды.
Автокөліктер түсірілген видео 2 тамызда әлеуметтік желіге мониторинг жүргізу барысында анықталды. Полиция қызметкерлері оқиғаның 1 тамыз сағат 20:00 шамасында Әбілқайыр хан даңғылында болғанын анықтады.
Полицияның мәліметінше, Volkswagen Polo және Lada Priora автокөліктерінің жүргізушілері мен жолаушылары жол қозғалысы қауіпсіздігіне қатер төндіретін әрекеттер жасаған.
Тексеру нәтижесінде құқық қорғаушылар кортежге қатысқан сегіз адамның жеке басын анықтады. Олар маневр жасау ережеcін бұзғаны, қауіпсіздік белдігін тақпағаны, апаттық жағдай туғызғаны және көлік құралдарын пайдалану талаптарын сақтамағаны үшін жауапкершілікке тартылды.
Полиция әлеуметтік желідегі жарияланымдардың тұрақты түрде тексерілетінін және анықталған заңбұзушылықтар бойынша заңда көзделген шаралар қабылданатынын ескертті.