В Атырау +33.7 
Қонаевтағы әскери бөлім ғимаратының төртінші қабатынан құлағаннан кейін 2006 жылы туған мерзімді қызметтегі әскери қызметші жансақтау бөліміне түсті.
«Криминальный Казахстан» Telegram-арнасының мәліметінше, жас жігіттің бірнеше қабырғасы сынып, өкпесі, бүйрегі және қуығы зақымданған. Оның жағдайы мен оқиғаның мән-жайы ресми түрде нақтыланған жоқ.
Туыстарының айтуынша, сарбаз отбасымен жүйелі түрде хабарласып тұрған және қызмет жағдайына немесе денсаулығына шағымданбаған. Оқиға болардан аз уақыт бұрын ата-анасы ұлына барып қайтқан және олардың сөзінше, ол өзін жақсы сезінген.
Жақындары әскери қызметшінің терезеден өзі құлап кетуі мүмкін екеніне сенбейді. Олар бейнебақылау камераларының жазбаларын ұсынуды және орын алған оқиғаға қатысты нысанды зерттеу жүргізуді талап етіп отыр.