​ОСК Құрылтай сайлауына арналған бюллетень үлгісін көрсетті

Орталық сайлау комиссиясы 2026 жылғы 23 тамызға белгіленген Қазақстан Республикасы Құрылтайының депутаттарын сайлауда дауыс беруге арналған бюллетень үлгісін ұсынды.

Бюллетеньге жеті саяси партия енгізілген. Олар келесі ретпен орналасқан:

1. «Әділет» партиясы
2. Жалпыұлттық социал-демократиялық партия (ЖСДП)
3. «Байтақ» Қазақстан жасылдар партиясы
4. Қазақстан Халық партиясы (ҚХП)
5. «Ауыл» партиясы
6. «Ақ жол» Қазақстан Демократиялық партиясы
7. «Respublica» партиясы

Тізімнің соңында «Бәріне қарсымын» бөлек бағаны қарастырылған.

Бюллетень қазақ және орыс тілдерінде жасалған. Сайлаушы таңдаған партияның немесе «Бәріне қарсымын» жолының қарсысындағы бос шаршыға кез келген белгіні қоюы қажет.

Сайлау комиссиясы мүшесінің қолы қойылмаған, бірнеше партияны қолдап белгі қойылған, өшірілген немесе түзетілген іздері бар, сондай-ақ сайлаушының еркін қол қойғанын анықтау мүмкін болмаған жағдайларда бюллетеньдер жарамсыз деп танылады.