​Владимир облысындағы Wildberries қоймасында өрт шықты

Ресейдің Владимир облысында Wildberries компаниясының логистикалық нысанына дрон шабуыл жасап, қоймада өрт шықты, деп хабарлайды АА. 

Компанияның мәліметінше, адамдар дер кезінде эвакуацияланған, алдын ала ақпарат бойынша зардап шеккендер жоқ. Оқиға орнында өрт сөндірушілер жұмыс істеп жатыр.

Wildberries логистикалық тізбектерді қайта құрып, тауар қабылдау мен жөнелтуді басқа нысандар арқылы жүзеге асырып жатқанын хабарлады.

Аймақ губернаторы Александр Авдеевтің айтуынша, Собинск ауданындағы қойма кешені дрон шабуылына ұшырап, қираулар мен өрт болған. Қауіпсіздік шараларын сақтау қажеттілігі ескертілді.

Оқиғаға байланысты жедел қызметтер жұмыс істеп жатыр, ал аймақта дрон қаупі сақталуда.