В Атырау +30.7 
Қазақстан Республикасының Сыртқы істер министрлігі болған жағдайды растады және трагедияның мән-жайы жергілікті билікпен бірлесіп анықталып жатқанын хабарлады.
Әлеуметтік желілерде туыстары таратқан ақпаратқа сәйкес, қыз тұрғын үйдің алтыншы қабатынан құлап кеткен. Оның отбасы өлімнің мән-жайына күмән келтіріп, мұқият тергеу жүргізуді сұрайды.
Марқұмның әкесі бейнеүндеу жариялап, болған оқиғаға қатысты сұрақтары бар екенін айтты. Ол қандай да бір ақпаратқа ие адамдарды хабарласуға шақырды. Туыстары айтқан нұсқалар ресми түрде әзірге расталған жоқ.
NUR.kz-ке ҚР СІМ хабарлағандай, Қазақстанның Сербиядағы елшілігі марқұмның отбасымен тұрақты байланыста болып, оларға консулдық-құқықтық көмек көрсетуде.
«Қазақстанның Сербиядағы елшілігі жергілікті құзырлы органдармен бірге болған жағдайдың барлық мән-жайын анықтап жатыр. Мәселе министрліктің бақылауында», – деді СІМ.
Ресми тергеу нәтижелері мен нақты өлім себебі әзірге жарияланған жоқ.