Тегін әрі курьерсіз: Астанада роботпен жеткізу қызметі іске қосылды

Астанада автономды роботтардың көмегімен тапсырыстарды жеткізу бойынша пилоттық жоба іске қосылды.

Әзірге бұл сервис елорданың сол жағалауындағы үш аймақта қолжетімді.

«Есіл» ауданының тұрғындары Яндекс Go қосымшасы арқылы «Яндекс Лавкадан» тауарларды тегін жеткізуге тапсырыс бере алады.

Роботтар маршрутты өздігінен сызып, кедергілерді таниды және тротуарлармен сағатына алты шақырымға жуық жылдамдықпен қозғалады.

Жоба Қазақстанның Жасанды интеллект және цифрлық даму министрлігінің қолдауымен жүзеге асырылып отыр. Болашақта жеткізу аймағын «Нұра» ауданына дейін кеңейту жоспары бар. 

Сервисті Астананың басқа аудандарына кеңейту мерзімдері әлі айтылған жоқ.