В Атырау +40.1 
Украина президенті Владимир Зеленский Axios басылымына берген сұхбатында елге зениттік‑зымырандық Patriot кешендері мүмкіндігінше тез жеткізілуі тиіс екенін айтты, деп хабарлайды АА.
«Patriot бізге кеше керек еді», – деді Зеленский АҚШ президенті Дональд Трамппен кездесуден кейін.
Оның айтуынша, Patriot жүйелері алдағы қысқа арналған америкалық көмек пакетіне енуі тиіс. Трамп Украинаға осы кешендерді өндіруге лицензия беру идеясын оң қабылдағанымен, бұл зымырандар АҚШ‑тың өзі үшін де қажет екенін атап өткен.
Зеленскийдің мәліметінше, Украина АҚШ‑тан 300 Patriot зымыранын сұраған. Алайда, тіпті лицензия берілген жағдайда да олардың өндірісі 1‑ден 5 жылға дейін уақыт алады.
Президент сондай‑ақ АҚШ Украинадағы бар баллистикалық зымырандарды Patriot тәрізді зениттік қаруға бейімдеу бағытында жұмыс істеп жатқанын айтты. «Бұл тез әрі арзан болады», – деді ол.
Зеленский екі ел арасындағы қарым‑қатынастың «эмоциядан арылып, конструктивті сипат алғанын» атап өтті. Сонымен қатар, Трамптың өкілдері Стив Уиткофф пен Джаред Кушнердің алдағы екі аптада Киевке келіп, бейбіт келіссөздерді қайта бастау мәселесін талқылауы мүмкін екенін хабарлады.
Украина басшысы Ресейдің Ираннан қару алып, КХДР‑дан 30 мың әскери қызметкер қабылдауға дайындалып жатқанын да мәлімдеді. Оның айтуынша, Солтүстік Корея Ресейге баллистикалық зымырандар мен өзге де қару түрлерін жеткізіп отыр.