В Атырау +39.2 
Екібастұздан Ұлыбританияға алғаш рет қазақстандық минералды тыңайтқыштар жөнелтілді.
Жүк Транскаспий халықаралық көлік дәлізі арқылы теміржол және теңіз көлігімен тасымалданды. Бұл тасымалды «Қазақстан темір жолы» компаниясы ұйымдастырды.
Маршрут Қазақстан аумағы, Каспий теңізі, Әзербайжан және Грузия арқылы өтеді. Поти мен Батум порттарынан тыңайтқыштар теңіз арқылы Ұлыбританияның Феликстоу портына жеткізіледі.
«Қазақстан темір жолы» жаңа бағыт қазақстандық кәсіпорындардың Ұлыбритания нарығына шығу мүмкіндігін кеңейтетінін атап өтті. Транскаспий дәлізі экспортты әртараптандыруға және белгілі бір көлік бағыттарына тәуелділікті азайтуға мүмкіндік береді.
Бұған дейін компания Екібастұздан АҚШ‑тың Майами қаласына өнім жөнелткен болатын. Қазіргі уақытта «Қазақстан темір жолы» қазақстандық жүктерді АҚШ, Ұлыбритания, Бельгия, Польша, Чехия және басқа елдерге тасымалдап отыр.