В Атырау +31.2 
Атырау облысында түн ортасында жоғалған бүлдіршін 10 минут ішінде табылды.
25 шілде күні сағат 00:30 шамасында Махамбет аудандық полиция бөлімі кішкентай қыздың жоғалғаны туралы хабарлама алған.
Хабар түскен бойда іздестіру жұмыстары ұйымдастырылып, полицей жақын маңдағы көшелерді, аулаларды және ықтимал бағыттарды тексерген.
Жедел әрекеттің нәтижесінде бүлдіршін аман‑есен табылып, ата‑анасына тапсырылды.
Оның өмірі мен денсаулығына ешқандай қауіп төнбеген. Полиция мұндай жағдайларда әр минуттың маңызы зор екенін атап өтіп, ата‑аналарға балаларды қараусыз қалдырмауды, олардың жүрген жерін бақылауды және адасып қалған жағдайда не істеу керектігін алдын ала түсіндіруді ескертті.
Бүгін, 12:48