В Атырау +39 
Ер адам жоқ пәтер үшін жалға алушылардан алдын ала төлем жинап алған.
Атырау қалалық №2 сотының мәліметінше, желтоқсанның аяғында Оралда болған ер адам OLX сайтында Атырау қаласындағы пәтерлерді тәулікке жалға беру туралы хабарландыру орналастырған. Жарнамаға сенген бес адам оған 20-дан 35 мың теңгеге дейін алдын ала төлем аударған.
Ақшаны алғаннан кейін ол оны өз қалауынша жұмсап, уәде етілген баспананы бермеген. Жалпы шығын көлемі 145 мың теңгені құрады.
Сотта сотталушы кінәсін толық мойындап, өз әрекетін ақшаның жетіспеушілігімен түсіндірді. Үкім шыққанға дейін ол жәрбірленушілерге келтірілген барлық шығынды өтеді. Жәбірленушілер тараптардың татуласуына байланысты істі тоқтатуды сұрағанына қарамастан, сот бұл өтінішті қабылдамады, өйткені тағылған бап ауыр қылмыстар санатына жатады.
Сот ер адамды алаяқтық жасағаны үшін айыпты деп танып, оған үш жыл мерзімге бас бостандығын шектеу жазасын тағайындады.
Анастасия ШЕРСТЯНКИНА