В Атырау +36.4 
2026 жылғы 19 шілдеден бастап Қазақстанда Бірыңғай QR-код арқылы кез келген банктің терминалы арқылы төлем жасауға мүмкіндік беретін жаңа банкаралық жүйе жұмыс істей бастады. Жүйеге Ұлттық Банктің еншілес ұйымы — Ұлттық төлем корпорациясы (ҰТК) техникалық қызмет көрсетеді.
Жаңа жүйе бизнесті бірнеше POS-терминал ұстаудан босатып, қолда бар бір терминал арқылы-ақ кез келген банктің QR-төлемін қабылдауға мүмкіндік береді.
Негізгі шарттар мен тарифтер:
Тұтынушылар үшін: Бірыңғай QR арқылы төлем жасау толықтай тегін;
Комиссия көлемі: Бірыңғай QR комиссиясы өзге банктің картасымен жасалатын төлем комиссиясынан аспауы тиіс;
Тарифтің бөлінуі: Әртүрлі банктер арасындағы төлемде комиссияның 1%-ы сатып алушының банкіне (бонус пен кэшбек қаржыландыруға) кетеді, ал қалғанын кәсіпкерге қызмет көрсететін банк алады;
Операторлық комиссия: ҰТК телефон нөмірі арқылы аударымдардан 0 теңге, ал Бірыңғай QR төлемдерінен 0,05% комиссия алады.
Жаңа жүйе бұрыннан бар төлем әдістерін шектемейді, тек қосымша таңдау мүмкіндігін ұсынады. Кәсіпкерлер бұрынғыша бірнеше терминалды қатар қолдана алады немесе барлық төлемді бір терминалға біріктіре алады.
Ұлттық Банктің мәліметінше, 17 шілдеден бері жаңа жүйе арқылы 1 миллионға жуық транзакция өңделген. Болашақта жүйе базасында трансшекаралық операциялар мен мемлекеттік органдармен есеп айырысу сияқты жаңа функциялар енгізіледі.