Таиландтан келген есірткі: ұйымдастырушы 16 жылға сотталды

194 рет қаралды

Алматыда алқабилердің қатысуымен өткен сот Таиландтан есірткі контрабандасын ұйымдастырған азаматты кінәлі деп танып, 16 жылға бас бостандығынан айырды.

Тергеу барысында оның халықаралық пошта арқылы гашиш майын елге заңсыз жеткізгені анықталды. Есірткі сәлемдемелердің ішіне жасырылып, туыстары мен таныстарының атына рәсімделген.

Құқық қорғау органдары бірнеше әрекеттің жолын кесіп, 5,7 келіден астам каннабис сығындысын тәркіледі. Бұдан бөлек, сотталушыдан өткізуге арналған есірткі және заңсыз сақталған оқ-дәрі табылды.

Іс бойынша мемлекеттік айыптауды көлік прокуратурасы қолдады.

Үкім әлі заңды күшіне енген жоқ.

Кеше, 21:51

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.