Баланы зорлау ісі бойынша 20 жылға сотталған ер адам кассациялық шағым берді

Ол айыптау үкімін жоюды және өзін ақтауды сұрайды.

Бұл оқиға «Ақ Жайық» бірнеше жыл бойы жариялаған «Көке ауыртты» деп аталатын материалдар сериясында көтерілген еді. Баланың анасы ұлының ерте жастан күйеуінің ағасы тарапынан зорлық көргенін мәлімдеген болатын. Тергеу шамамен төрт жылға созылып, қылмыстық іс алты рет тоқтатылып, қайта жаңғыртылғаннан кейін ғана сотқа жеткен.

Нәтижесінде ер адам ҚР ҚК‑нің 121-бабының 4-бөлігі бойынша кінәлі деп танылып, 20 жылға бас бостандығынан айырылды. Кейін апелляциялық сот бұл үкімді өзгеріссіз қалдырды.

Енді сотталған азамат Жоғарғы сотқа кассациялық шағым түсіріп отыр. Ол шағымында бірінші инстанция сотының үкімін, апелляциялық алқаның қаулысын жоюды, қылмыстық қудалауды тоқтатуды және өзін ақтауды талап етуде.

Шағымда ол кінәсін мойындамайтынын, соттың қорытындыларын негізсіз деп санайтынын және тергеу мен сот барысында қылмыстық-процестік заңнамада елеулі бұзушылықтар болғанын алға тартады.

Жоғарғы сот шағымды қарауға қабылдай ма, жоқ па — бұл алдын ала зерделеуден кейін белгілі болады.

Анастасия ШЕРСТЯНКИНА