В Атырау +31.5 
Жыл сайынғы «ең төменгі жеткілікт шегінің» өсуіне байланысты БЗЖҚ-дан жинақтарды мерзімінен бұрын алу тек санаулы адамдарға ғана қолжетімді болып қалды. Ал 2026 жылы қазақстандықтар үшін нақты балама алға шықты — ол екі есе аз қаражатты талап ететін зейнетақы аннуитеті, деп хабарлайды NUR.KZ.
Бұл қаржылық құрал арқылы азаматтар БЗЖҚ-дағы жинақтарын өмірді сақтандыру компаниясына аударып, ресми зейнет жасына жетпей-ақ өмір бойы төлем ала бастайды (ерлер үшін — 63 жас, әйелдер үшін — 61,5 жас).
Аннуитет пен БЗЖҚ арасындағы айырмашылық
- 50 жастағы ер адам (зиянды жағдайда жұмыс істеген) БЗЖҚ-дан қаражат шешіп алу үшін 17,59 млн теңге жинауы тиіс. Ал аннуитет рәсімдеу үшін бар болғаны 8,72 млн теңге жеткілікті.
- 40 жастағы ер адамдарға «кейінге қалдырылған аннуитет» үшін 7,95 млн теңге қажет (БЗЖҚ шегі — 13,37 млн).
- Әйелдерге — 10,65 млн теңге (БЗЖҚ шегі — 13,37 млн).
- I топтағы мүгедектігі бар азаматтарға талаптар ең төмен деңгейге дейін қысқартылған: 45 жастағы ер адамға — 2,84 млн теңге, әйелге — 2 млн теңгеден сәл артық.
Маңызды реформалар
- Салықтың жойылуы: 2026 жылғы маусымнан бастап зейнетақы төлемдерінен 10% жеке табыс салығы алынбайды.
- Мұрагерлік ережелердің өзгеруі: енді аннуитет иесі қайтыс болған жағдайда отбасы қалдық қаражатты толық бір жолғы төлем ретінде ала алады немесе ай сайынғы төлемді жалғастыра алады.
Аннуитет келісімшартын жасағаннан кейін қаражатты қайта БЗЖҚ-ға қайтару, емге мерзімінен бұрын шешіп алу немесе жылжымайтын мүлікке жұмсау мүмкін емес. Бұл тек тұрақты пассивті табыс пен жыл сайынғы индексацияны қамтамасыз ететін құрал.