В Атырау +23.5 
Жетісу облысының мамандандырылған табиғат қорғау прокуратурасы өңірлік ветеринария басқармасының қызметінде заңдылықты қалпына келтіріп, еңбек құқықтарының бұзылуына жол бермеді және өндірістік нысандардағы қауіпсіздікті қамтамасыз етті.
Тексеру барысында мемлекеттік сатып алуды ұйымдастыру кезінде заңсыздықтар анықталды: эпизоотияға қарсы іс-шаралар бойынша қызметтерді бір көзден алу тәсілімен негізсіз сатып алу әрекеті жасалған. Бұл жағдай өңірдегі ветеринария жүйесінің тұрақсыздығына әкелуі мүмкін еді.
Прокуратураның араласуы нәтижесінде мыңнан астам маманның жұмыссыз қалу қаупі жойылып, еңбек құқықтары сақталды. Сонымен қатар, 2023–2024 жылдары пайдалануға берілген 49 ветеринариялық пункт пен станцияда техникалық регламенттердің бұзылғаны анықталды: электр желілеріне қосу кезінде жерге тұйықтау жүйесі болмаған. Бұл қызметкерлердің өміріне қауіп төндірген.
Қабылданған шаралар нәтижесінде 1,4 мыңнан астам қызметкердің мүдделері қорғалып, нысандар қауіпсіздік нормаларына сәйкестендірілді. Прокуратура мемлекеттік мекемелердегі еңбек заңнамасының сақталуын бақылауды жалғастыруда.