В Атырау +31.4 
Атырауда 28 жастағы әйел адамнан заңсыз сақталған психотроптық дәрілер тәркіленді, деп хабарлайды Polisia.kz.
Облыстық полиция департаментінің есірткі қылмысына қарсы іс-қимыл басқармасы №2 учаскелік полиция пунктінің инспекторларымен бірге жүргізген жедел іс-шара барысында күдіктіден 159 құты «Тропикамид» препараты табылды.
Аталған дерек бойынша ҚР Қылмыстық кодексінің 301-бабы 1-бөлігімен сотқа дейінгі тергеу басталды. Полиция қоғамға қауіпті психотроптық заттардың заңсыз айналымы үшін қылмыстық жауапкершілік қарастырылатынын ескертеді.
Қазақстан Республикасының Қылмыстық-процестік кодексінің 201-бабына сәйкес, тергеу барысына қатысты қосымша ақпарат жарияланбайды.
20 мамыр, 11:24