В Атырау +24.1 
Атырауда масаға қарсы кешенді дезинсекция жұмыстары басталды.
Қала аумағында көпқабатты үйлердің жертөлелері мен кіреберістерінде, сондай-ақ су айдындарында арнайы өңдеу жүргізілуде. Бұл шараға екі дрон тартылып, жетуі қиын аумақтар әуеден өңделіп жатыр.
Мамандар қолданылып жатқан препараттардың адам денсаулығына және жануарларға зиянсыз екенін атап өтті. Өңдеу жұмыстары кешкі уақыттан түн ортасына дейін жалғасады.
Жауапты жұмыстарды «AG Disinfection Services» мекемесі атқарып отыр. Дезинсекцияның негізгі мақсаты – қала тұрғындарының жайлылығын қамтамасыз ету және жазғы маусымда масалардың көбеюін болдырмау.
Осылайша жаңа технологияларды қолдану арқылы өңдеу жұмыстарының тиімділігі артып, халықтың тұрмыс сапасын жақсартуға бағытталған кешенді шара жүзеге асырылуда.