В Атырау -10 
Көрме экспозициясына кен орындарын игеру мен мұнай саласының дамуын ғана емес, сонымен бірге тағдыры ондаған жылдар бойы мұнайлы Атырау өңірімен байланысты болған жандар туралы баяндайтын мұрағаттық және заманауи фотосуреттер енді.
«Мұнай және өмір» деп аталатын бұл фотокөрмені бүгінде мұнай-газ өңірінің сурет шежіресі деп атауға болады.
Фотосуреттерде кен орындарын игеру кезеңдері, өндірістің күнделікті жұмыс барысы, қала өмірі және өңірді өзгерткен ауқымды процестердің басында тұрған тұлғалар бейнеленген.
Экспозицияда танымал фото шеберлері Олег Свидин мен Аман Мутигуллиннің жұмыстары ерекше орын алады. Сонымен қатар, олардың қатарында қазіргі заман авторлары — Рахым Қойлыбаев, Ерлан Алтыбаев, Әнуар Әбілғазиев және Максим Стадниченконың туындылары ұсынылған.
Көрмеде әртүрлі дәуірлер мен түрлі көзқарастағы фотосуреттер біріктірілген. Олардың барлығы — мұнай саласымен бірге өсіп-өркендеген және өзгерген туған өлкеміз туралы.
Көрменің ашылуы 13 мамыр күні сағат 12:00-де Құрманғазы көшесі, 12 мекенжайында орналасқан YEMAA Art Space орталығында өтеді.