Жайықтағы жарыста басты жүлде Алматыға кетті

Мереке күндері Атырауда Жайық өзенінде Қазақстан кубогы бойынша қалқымамен балық аулау жарысы өтті.

Жарыс үш күнге созылды, жеңімпаздар жеке және командалық есепте анықталды. 

Федерация президенті Асылбек Жұмағалиевтің айтуынша, Атырау облысынан үш команда қатысты: «Есенғұл» («Дина» базары), Исатай ауданынан «Бақсай» және Атыраудан «МегаФиш».командалар қатысты.

Алайда өңірлік командалар жақсы өнер көрсеткенімен, басты трофей Алматыға кетті. Жеңімпаз атанған «Поплавок.kz» командасы Қазақстандағы ең атақты әрі жүлделі ұжымдардың бірі саналады.

Атыраулық балықшыларға тек үшінші орын бұйырды.

Мұрат СҰЛТАНҒАЛИЕВ