В Атырау -10 
Атырау қалалық әкімдігінде 11,2 млн теңгелік тендерге қатысты қосымша түсініктеме берілді.
Келісімшарт жаңа әкімшілік ғимаратқа арналған бейнебақылау жүйесін орнату және ішкі байланыс желілерін жүргізу, телефонмен жабдықтауды қоса қамтиды.
Әкімдік өкілдерінің айтуынша, жобаның негізгі мақсаты — қызметтік құжаттар мен архив материалдарының қауіпсіздігін қамтамасыз ету және бөлімшелер арасындағы ішкі коммуникацияны тиімді ету.
Олардың мәліметінше, орнатылған жүйелер қаладағы тұрғын үй‑коммуналдық шаруашылық және тұрғын үй инспекциясы бөлімінің балансына беріледі. Барлық сатып алынған жабдықтар да осы бөлімнің қарамағында қалады, себебі байланыс пен телефонмен жабдықтау мәселелері оның құзыретіне кіреді.
Бұл келісімшарттың бір реттік екені және оны жыл сайын ұзартудың қажеті жоқ екені атап өтілді.
Айнұр САПАРОВА