В Атырау -10 
Атырау қалалық полиция басқармасының жаңа басшысы болып Ақтауда қызмет еткен Айдар Қасанов тағайындалды. Ол қазір тергеу абақтысында отырған Бақтыбек Исаевтың орнына келіп, 20 сәуір, дүйсенбі күні қызметіне кірісті.
Айта кетейік, бұрынғы басшыға қатысты даудан кейін бұл лауазым біраз уақыт бос тұрған еді.
Қасановтың есімі тағайындауға дейін-ақ қоғамда, әсіресе блогерлер ортасында талқылана бастаған.
Кейбір блогерлер оның кандидатурасына қарсы пікір білдіріп, әлеуметтік желілерде жаңа басшыға қатысты теріс құбылыс қалыптастыруға тырысқан. «Өңірге өз адамы керек» деген пікірлер айтылып, полиция жұмысы мен блогерлермен қарым‑қатынас қалай өзгеруі мүмкін деген сұрақтар көтерілді.
Айдар Қасанов — ішкі істер органдарының кәсіби қызметкері. Ол еңбек жолын Жаңаөзенде тергеуші болып бастап, кейін түрлі тергеу бөлімшелерінде қызмет атқарған. Кейін басшылық лауазымдарға көтеріліп, 2019 жылы Жаңаөзен полициясын басқарды. Одан соң Ақтауға ауысып, облыс орталығында жұмысын жалғастырды.
Анастасия ШЕРСТЯНКИНА