В Атырау -10 
13 сәуірде Оқу-ағарту министрі Жұлдыз Сүлейменованың жұмыс сапары барысында БАҚ өкілдері баспасөз турының тізіміне алдын ала енгізіліп, жиналу орнына шақырылған еді. Алайда іс жүзінде сапарды тек өңірлік коммуникациялар қызметінің қызметкерлері ғана жариялайтыны белгілі болды.
Неліктен жоспардың өзгергені белгісіз. Өйткені бір күн бұрын облыстық білім басқармасының баспасөз қызметі министрдің сапары туралы хабарлап, журналистер үшін автобус «Атырау-Ақпарат» ЖШС ғимаратының алдында күтетінін хабарлаған болатын. Бағдарламада екі мектеп пен бір балабақшаға бару қарастырылғаны айтылған, алайда нақты мекемелер сол кезде аталмады.
Журналистердің жиналу уақыты таңертеңгі сағат 10:00-ге белгіленген еді. БАҚ өкілдері автобусқа отырғанымен, көп ұзамай оларға салонда тек өңірлік коммуникациялар қызметінің (ӨКҚ) қызметкерлері ғана қалатыны айтылды. Осыдан кейін журналистер автобустан түсуге мәжбүр болды.
«Ак Жайық» тілшісі облыстық білім басқармасының баспасөз қызметінен түсініктеме сұрады. Онда министр Жұлдыз Сүлейменовамен бірге ведомстводан мобилограф келгенін, сондықтан жергілікті журналистердің қатысуы қажет емес деп шешілгенін хабарлады. Бұл сапарды жариялау міндетін басқарма түсіндіргендей, өңірлік коммуникациялар қызметі (ӨКҚ) өз күшімен атқаратын болған.
Кейін белгілі болғандай, сапар аясында министрдің А. Жангелдин атындағы мектепке, «Келешек мектептері» білім ордасына және мемлекеттік-жекеменшік әріптестік негізінде салынған «Дарын» балабақшасына барады.
Журналистер алдын ала сұрақтарын дайындағанымен, министрдің оларға жауап беру жоспары болмаған сыңайлы. Соған қарағанда, сапар үшін алдын ала дайындалған ақпарат жеткілікті секілді.
Айнұр САПАРОВА