В Атырау -10 
Былтыр әкімдіктің ақпаратына сүйеніп, құрылыстың басталғанын хабарлап едік. Сол кезде құрылыс 2026 жылдың жазында аяқталады деп жоспарланған. Құрылыстың басталмауына қандай себеп?
Қала әкімдігі баспасөз хатшысы Еркеназ Қалижан құрылыс-монтаж жұмыстары басталмағанын растап, қазір жобалық-сметалық құжаттаманы жасақталып жатқанын айтты.
Құрылыс осы құжаттамаға түзетулер енгізуге және тиісті сараптама рәсімдерінің аяқталмауына байланысты басталмаған.
Қандай түзетулер деген сауалға баспасөз хатшысы жер учаскесі аумағының 5 гектардан 4,6 гектарға дейін өзгеруін, жер асты сулары деңгейінің бірнеше есе көтерілуін атады.
- Қазіргі уақытта жобаға түзетулер енгізіліп, сараптамаға енгізілді. Саябақтың жалпы аумағы – 4,6229 га. Құрылысты аяқтау мерзімі (2026 жылдың жазы) қазіргі уақытта қайта қаралуда. Нақты мерзім жобалық құжаттама толық бекітілгеннен кейін және сараптаманың оң қорытындысын алғаннан кейін белгіленеді, - деді Е.Қалижан.
Жобалаушы мекеме - «RedLine Pro» ЖШС. Мердігер мекеме - «Сұңқар Құрылыс ЛТД» ЖШС.
Жобаның бастапқы құны – 1 млрд 493 млн 24 мың теңге. Жобаның түзетуден кейінгі құны – сараптама қорытындысынан кейін белгілі болады.
Айнұр САПАРОВА